Бүгүн, 17-апрелде «Балдардын укугун коргоо лигасы» коомдук фондунун демилгеси менен Чүй облусунда балдарды кароочу интернат түрүндөгү жатак жайлардын ишин оптималдаштыруу боюнча мамлекеттик планды талкуулоо уланат.
3-апрелде башталып, 30-апрелде жыйынтыктала турган жыйындарга жергиликтүү бийлик өкүлдөрү, айыл өкмөттөрү, эл аралык эксперттер жана планды иштеп чыккан адистер катышууда.
Сокулук, Ысык-Ата райондорундагы мектеп-интернаттардагы балдарга үй-бүлөлүк тарбияга жакын шарт түзүү каралууда.
«Кыргызстандын балдарына үй-бүлөдөгүдөй жагымдуу шарт түзүү» долбоорунун эксперти Анна Палли жергиликтүү бийлик өкүлдөрүнө Молдовадагы ушуга окшош тажрыйбаны айтып берип жатат.
2016-жылдагы эсеп боюнча Кыргызстанда интернаттарда 2 300дөн ашуун бала бар. Алардын миңге чукулунун атасы да, апасы да жок. Жаңы планга ылайык, мамлекеттин кароосундагы балдарды фостердик үй-бүлөлөргө жайгаштыруу каралууда. (BCh)
