2018-жылы үч прокурорго кылмыш иши козголуп, 24 прокурор кызматтан алынган. Бул тууралуу башкы прокурор Өткүрбек Жамшитов 17-апрелде Жогорку Кеңеште көзөмөл органдарынын былтыркы иши тууралуу отчёт берип жатып айтты.
Парламент депутаты Дастан Бекешев бул өтө эле аз экенин билдирди.
Жамшитов «эми колдон келишинче өзүбүз ичибизден тазаланууга аракет кылып жатабыз» деди.
Жогорку Кеңештин Конституциялык мыйзамдар, мамлекеттик түзүлүш, сот-укук маселелери боюнча комитети 16-апрелде Башкы прокуратуранын отчетун жактырган. (BTo)
