Линктер

ЧУКУЛ КАБАР!
25-Октябрь, 2021 дүйшөмбү, Бишкек убактысы 20:03

Ысык-Көл облусуна сегиз «Тез жардам» автоунаасы алынды


Ысык-Көл облусуна алынган «Тез жардам» автоунаалары.

Ысык-Көл облусун өнүктүрүү фонду облустун «Тез жардам» кызматына сегиз даана автоунаа алып берди.

2018-жылы бул кызматтын автоунааларына тендер жарыяланып, аны «Элим Строй» компаниясы утуп алып, машинелерди Германиядан алып келген. Ага жалпысынан 7 миллион 400 миң сом сарпталган.

Алынып келген сегиз автоунаанын бири Ысык-Көл облустук бириккен ооруканасына, экөө Каракол шаарындагы үй-бүлөлүк дарыгерлер борборуна, бир автоунаа Жети-Өгүз райондук дарыгерлердин жалпы практикалык борборуна, Ак-Суу райондук дарыгерлердин жалпы практикалык борборуна бир автоунаа, Ак-Суу райондук аймактык ооруканасына бир автоунаа, Балыкчы шаарынын үй-бүлөлүк дарыгерлер борборуна бир автоунаа жана Ананьево айылындагы үй-бүлөлүк дарыгерлер борборуна бир автоунаа берилди.

«Тез жардам» унааларын расмий тапшыруу салтанаты бүгүн, 17-апрель күнү Каракол шаарында болду. Ага Саламаттык сактоо министрлигинин, жергиликтүү бийликтин өкүлдөрү катышты. (AsM)

Пикирлерди көрүңүз (8)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG