Украинада бүгүн, 21-апрелде президенттик шайлоонун экинчи туру өтөт. 18-апрелде жүргүзүлгөн сурамжылоонун жыйынтыгына караганда, шайлоочулардын 57,9% Владимир Зеленскийге, 21,7 пайызы азыркы президент Петро Порошенкого добуш берүүгө даяр экенин көрсөткөн.
19-апрелде талапкерлер Владимир Зеленский менен Петр Порошенко дебатка чыгып, бир саат бою өлкөнүн акыркы беш жылы, келечеги, көбүнесе бири-биринин жоруктары тууралуу айтышты. Дебат Киевдеги 70 миң кишилик «Олимпийский» стадионунда өттү.
Президенттик шайлоонун биринчи айлампасы 31-мартта өтүп, экөө 39 талапкердин ичинен суурулуп чыгышкан.