Линктер

ЧУКУЛ КАБАР!
23-Апрель, 2021 жума, Бишкек убактысы 00:07

БШК: Зеленский добуштардын 73 пайызына ээ болду


Владимир Зеленский.

Украинанын Борбордук шайлоо комиссиясынын расмий маалыматына караганда, президенттикке талапкер Владимир Зеленский 73 пайыз добуш алды. Бул - бюллетендердин 90 пайызы саналгандан кийинки маалымат.

Анын атаандашы, мамлекет башчы Петро Порошенкону шайлоочулардын 24,5 пайызы колдогон.

Бул кечээ добушканалар жабылгандан кийин дароо жарыяланган улуттук экзит-поллдун маалыматтары менен дээрлик дал келет.

Актер жана куудул Владимир Зеленский Украинанын тарыхында эң көп добуш алган биринчи президент болуп калды.

Добуш берүүгө шайлоочулардын 62 пайызы келди. Украинанын Борбордук шайлоо комиссиясы шайлоонун расмий акыркы жыйынтыгын 30-апрелге чейин жарыялай турганын билдирди.

21-апрелде Украинада президенттик шайлоонун экинчи айлампасы өттү. Ага талапкерлер Петро Порошенко менен Владимир Зеленский катышты.

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG