Линктер

ЧУКУЛ КАБАР!
14-Апрель, 2021 шаршемби, Бишкек убактысы 01:40

Путин Пхеньянга коопсуздук кепилдиги берилиши керектигин айтты


Владимир Путин жана Ким Чен Ын. Орусия, Владивосток. 25-апрель, 2019-жыл.

Орусия президенти Владимир Путин Түндүк Корея лидери Ким Чен Ын менен сүйлөшкөндөн кийин бул өлкөгө өзөктүк программаны токтотуу үчүн "кепилдик" керектигин журналисттерге билдирди.

Анын айтымында, өзөктүк программаны аяктоодон мурда Пхеньянга эл аларалык деңгээлде коопсуздукка кепилдик берилиши керек.

Эки өлкө башчыларынын биринчи жолку бетме-бет сүйлөшүүсү 25-апрелде Орусиянын Түндүк Корея менен чектешкен Владивосток шаарында өттү. Анда тараптар эки тараптуу кызматташтыкты жана Пхеньяндын өзөктүк программасын талкууга алышты.

Ким Орусия менен Владивостокко 24-апрелде чопкутталган поездде келген. Алардын кездешүүсү Корей жарым аралын өзөктүк куралдан арылтуу боюнча АКШ менен Түндүк Кореянын сүйлөшүүлөрүнөн майнап чыкпагандан кийин болду.

Трамп менен Ким буга чейинки эки саммитте өзөктүк келишим тууралуу орток пикир таба алган эмес. Трамптын администрациясы үчүнчү жолугушууну өткөрүүнү сунуш кылган, бирок Пхеньян ага мамлекеттик катчы Майк Помпеону катыштырбоону талап кылып келе жатат.

Помпео сүйлөшүү тобун президент Трамп көзөмөлдөгөнү менен аны мурдагыдай эле өзү башкарарын жарыялаган.

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG