Кыргызстан аймагындагы бардык уюк операторлорунун сыртка чалуу акысы элүү тыйынга төмөндөйт. Башкача айтканда, жакында байланыш операторлорунун бири-бирине чалышы арзандайт. Бул тууралуу Монополияга каршы күрөш боюнча мамлекеттик агенттиктин статс-катчысы Айбек Мамыралиев Бишкекте өткөн басма сөз жыйынында кабарлады.
Мамыралиевдин айтымында, мурда операторлордун бири-бири менен байланышы мүнөтүнө төрт сомду түзсө, эми июнь айынан тарта 3 сом 50 тыйын болот. Ошондой эле келерки жылы 2 сомго түшүрүү пландалып жатат.
