Бишкекте «Ак илбирс-2019» улуттук кино сыйлыгын тапшыруу аземи өттү. Түрдүү жанрдагы фильмдерди Кинематографисттер бирикмеси февраль айында бир ай бою кабыл алып, көрүп чыккан. Жеңүүчүлөр 26-апрелде сыйланды.
Режиссер Айбек Дайырбековдун «Дарак ыры» тасмасы сегиз статуэтка, Руслан Акундун «Көк-бөрүсү» эки жана Бакыт Осмонкановдун «Такебай» фильми бир статуэтка алды.
Жыл сайын берилчү «Ак илбирс» сыйлыгы 2012-жылы уюшулган. Анын демилгечилери - Кыргызстандын Кинематографисттер союзу, «Айтыш» коомдук фонду, Кинону өнүктүрүү фонду жана Кинематография департаменти. (RK)
