Кыргыз-түрк «Манас» эл аралык университетинин камкорчулар кеңешинин төрагалыгына Түркиянын маалымат министри дайындалды. Бул тууралуу маалымат 3-майда Түркиянын «Расмий» гезитине жарыяланды.
Анда профессор Фахреттин Алтундун кыргыз-түрк «Манас» университетинин камкорчулар кеңешинин төрагалыгына дайындалганы тууралуу чечимге Түркиянын президенти Режеп Тайып Эрдоган кол койгону жазылган.
Жаңы дайындалган төрага учурда Түркиянын маалымат министри болуп иштейт. 42 жаштагы Фахреттин Алтун Түркиянын министрлер кабинетинин эң жаш министрлеринин бири.
Эки өлкөнүн ортосундагы келишимге ылайык Кыргыз-Түрк «Манас» университетинин камкорчулар кеңешине Кыргызстандан төрт мүчө, Түркиядан төрт мүчө дайындалат. (ElB)
