Ош шаарынын мусулмандарынын казысы Убайдулла ажы Сарыбаев Мамлекеттик чек ара кызматынын №2024 аскер бөлүгүнүн жоокерлери менен жолугушту. Анда ал паракорлуктун кесепети жана шарияттагы орду, диний экстремизм менен терроризмдин алдын алуу боюнча баяндама жасады. Мындан тышкары ушул жана башка темалар боюнча жоокерлердин суроолоруна жооп берди. Бул тууралуу шаардык казыят билдирди.
Жолугушууга Мамлекеттик чек ара кызматынын Ош облустук башкармалыгынын жетекчилери да катышты.
Казыяттын өкүлдөрү бул күндөрү шаардагы жогорку класстардын окуучулары менен да жолугушуп, аларга «Исламда билим алуунун орду» деген темада лекция окушту. (MdN)
