Линктер

ЧУКУЛ КАБАР!
28-Октябрь, 2021 бейшемби, Бишкек убактысы 04:48

Стамбулдагы мэр шайлоонун жыйынтыгы жокко чыгарылды


Түркиядагы шайлоо. 31-март. 2019-жыл.

Түркиянын Жогорку шайлоо комиссиясы Стамбулдагы мэр шайлоонун жыйынтыгын жокко чыгарды. Мэр шайлоо 23-июнга белгиленди.

Президент Режеп Тайып Эрдогандын «Адилеттүүлүк жана өнүгүү» (АК) партиясы добуш берүү «коррупция жана мыйзам бузуу» менен коштолгонун белгилеп, сотко кайрылган.

31-мартта мэр шайлоодо оппозициялык Элдик-республикалык партиянын мүчөсү Экрем Имамоглу жеңип чыккан. Имамоглу АК партиядан талапкер, мурдагы премьер-министр Бинали Йылдырымдан 15 миң добуш көп алган.

Имамоглуга өлкөнүн Жогорку шайлоо комиссиясы мандат тапшырган.

Буга чейин Түркиянын президенти Режеп Тайып Эрдоган Стамбулдагы муниципалдык шайлоолордун жыйынтыгын жокко чыгарууга чакырган.

Мыйзамга ылайык, шайлоо үкөктөрү менен мамлекеттик кызматкерлер иштеши керек. Эрдогандын айтымында, Стамбулдагы айрым шайлоо тилкелеринде бул талап аткарылган эмес.

Европа Биримдиги Түркиянын БШКсынын шайлоо жыйынтыгын жокко чыгарган чечимин сынга алды. Анын дүйшөмбү күнкү билдирүүсүндө «Стамбулда кайра шайлоо өткөрүү демократиялык добуш берүү процесстерине карама-каршы келери» белгиленген.

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG