Кыргызстанда кальянга колдонулуучу тамекиге акциз киргизүү сунушталууда. Жогорку Кеӊеште бүгүн «Салык кодексине өзгөртүүлөрдү киргизүү жөнүндө» мыйзам долбоору каралып, үчүнчү окууда добуш берүүгө жөнөтүлдү.
Анын максаты – мамлекеттик бюджетти толтуруш үчүн ысытылган тамеки менен курамында баңгизат камтылган суюктуктарга акциздик алымдарды киргизүү.
Мыйзам долбоорунун автору депутат Азамат Арапбаевдин пикиринде, «андан көрө электрондук тамекини көбөйтүш керек, себеби адамдын ден соолугуна тийгизген зыяны аз».
Жыйында айтылгандай, салык жана бажы кызматтарында өлкө аймагына ташылып кирген ысытылган тамеки жана курамында баңгизат камтылган суюктуктардын көлөмү жөнүндө так маалымат жок.
Бул мыйзам долбоору кабыл алынса акциздик алым быйыл 2019-жылдын июль айынан тартып киргизилүүгө тийиш. (RK)
