Кыргызстанда каржы тармагында иштегендердин орточо айлык акысы 36,5 миң сомду түзүп, былтыркыга салыштырмалуу 5 пайызга жакын өстү. Бул тууралуу Улуттук статистика комитетинин 10-майдагы маалыматында айтылат.
Мамлекетте ушул тапта 25 коммерциялык банк иштейт. 2018-жылы алардын кирешеси 27 миллиард сомду, чыгымы 24 миллиард сомду түздү. Пайданын көлөмү бир жылда 38 пайызга өскөн. 25 банктын үчөө 0,5 пайыз зыянга учураган.
Банктардагы насыя портфели 2018-жылдын соңунда 127,9 миллиард сомго барабар болгон.
1993-жылы Кыргызстанда улуттук валюта - сом жүгүртүүгө чыгарылган. Бул дата Банк кызматкерлеринин күнү катары да белгиленет.
Аймактарда банктардын 336 филиалы бар. Кызматкерлердин жалпы саны 16 миңге жакын. Кардарлар 3,5 миллионго жетти.