«Коопсуз шаар» долбоорунун алкагында Бишкек шаарынын бир катар көчөлөрүнө кошумча 19 камера орнотулуп, 14-майдан тартып иштей баштарын Маалыматтык технологиялар жана байланыш боюнча мамлекеттик комитеттин басма сөз кызматы билдирди. Камералар негизинен чоң көчөлөргө коюлган.
Орусиялык «Вега» концерни аткарып жаткан «Коопсуз шаар» долбоору Бишкекте 12-февралда ишке кирген.
2019-жылдын аягына чейин долбоор республиканын бардык аймагында иштей башташы керек. Жалпы өлкө боюнча 314 көзөмөл камера-комплекстери орнотулары айтылган. (SE)
