Армениянын премьер-министри Никол Пашинян 14-майда Кытайга расмий сапар менен барды. Армения өкмөтүнүн басма сөз кызматы билдиргендей, эки күндүк сапардын алкагында Пашинян Кытай лидери Си Цзиньпин менен жолугушат. Андан тышкары өкмөт башчы Ли Кэцян менен да сүйлөшүү өткөрүп, Азия цивилизациялар аралык диалог конференциясына катышат.
Кытай аткаминерлери билдиргендей, 15-май күнү конференцияда Си Цзиньпин сөз сүйлөйт. Иш-чарага 47 мамлекеттен өкүл катышары кабарланган.
