Президент Сооронбай Жээнбеков эки күндүк иш сапары менен Ысык-Көл облусуна барды. Иш сапарынын алкагында мамлекет башчы Ысык-Көл районунун Чоң-Өрүктү айылындагы дыйкан чарбасына, Түп райондук оорулардын алдын алуу жана мамлекеттик санитардык-эпидемиологиялык көзөмөлдөө борборуна, Түп айылында курулуп жаткан спорткомплексине барып, Түп районунун жашоочулары менен жолугушат.
17-майда мамлекет башчысы Балыкчы шаарындагы орто мектептерге барат. Ал шаардын тургундары менен жолугушуп, «Акылдуу шаар» жана Балыкчы мэриясынын башка инновациялык долбоорлору менен таанышат. Бул тууралуу президенттин басма сөз кызматы кабарлады. (КЕ)
