Линктер

ЧУКУЛ КАБАР!
27-Ноябрь, 2021 ишемби, Бишкек убактысы 14:03

Дамир Мусакеев Аскер прокуратурасына күбө катары сурак берип чыкты


Дамир Мусакеев.

Улуттук коопсуздук боюнча мамлекеттик комитеттин (УКМК) 9-башкармалыгынын мурдагы башчысы, экс-президент Алмазбек Атамбаевдин жансакчысы Дамир Мусакеев 16-майда Аскердик прокуратурага күбө катары сурак берип чыкты. Ал чакыруу кагазы кечке жуук келгенин өзү «Азаттыкка» билдирип, «Мыйзамсыз баюу» беренеси боюнча сурак бергенин айтты:

- Мен сурактын чоо-жайын ашкере кылбоо тууралуу тилкат бердим, ошондуктан кандай суроолор болгонун айтып бере албайм.

Мусакеев өзүнө байланыштуу иш сотто калыс чечим табарына үмүт артып жатканын кошумчалады.

16-майда Свердлов райондук сотунда аскер прокурору Мусакеевди беш жылга кесүүнү жана 70 миң айып өндүрүүнү суранган. Кийинки отурум 23-майда болот.

8-майда Башкы прокуратуранын басма сөз кызматы Дамир Мусакеевге карата сотко чейинки өндүрүш башталганын кабарлаган. Ошондой эле Интернетте «Мусакеевдин байлыгы» деп жарыяланган кыймылсыз мүлк 2010-2017-жылдары сатылып алынып, анын ата-энесине, тууганына катталганын, жалпы наркы 20 миллион сомдон ашарын билдирген. (SE)

Дамир Мусакеев менен маекти бул жерден угуңуз:

Дамир Мусакеев Аскер прокуратурасына сурак берип чыкты
please wait

No media source currently available

0:00 0:02:31 0:00

Пикирлерди көрүңүз (21)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG