Владимир Зеленский Украинанын жаңы президенти катары расмий түрдө ишке киришти. Ал бир аз мурда Украинанын Жогорку Радасында ант берди.
"Мен Украинанын суверендүүлүгүн жана көз карандысыздыгын коргоого убада берем", - деп билдирди Зеленский.
Ал Украинанын эгемендик жылдарындагы алтынчы мамлекет башчысы болуп калды.
41 жаштагы актер жана куудул Зеленский 21-апрелде өткөн президенттик шайлоонун экинчи турунда Украинаны соңку беш жылдан бери башкарып келген Петро Порошенкону жеңип чыккан. Ал жалпы добуштардын 73,22 пайызын, атаандашы 24,45 пайызын алган.
