2019-жылы чыккан өкмөттүн токтомуна ылайык Мамлекеттик экологиялык техникалык инспекция чарбалык субъектилерди текшере албайт. Мындай текшерүүлөргө эки жылдык мораторий киргизилгенин «Азаттыкка» аталган инспекциянын жооптуу кызматкери Талантбек Кожоев билдирди:
- Мораторийге карабастан биздин аймактык башкармалык жер-жерлерде сезон башталганга чейин бардыгына жазуу түрүндө эскертме буйрук берген. Өрт коопсуздугу боюнча, энергетика коопсуздугу боюнча жана экология коопсуздугу боюнча тапшырмалар берилип, бүгүнкү күндө жумуштар жүрүп жатат.
Кожоевдин айтымында, Ысык-Көл облусунда үч айлыктын жана андан сырткары райондук администрациянын алкагында түзүлгөн жумушчу топ бар. Булар эс алуу жайларын 2019-жылдын даярдыгын текшерип турушат. (BCh)
