Линктер

ЧУКУЛ КАБАР!
6-Декабрь, 2021 дүйшөмбү, Бишкек убактысы 17:34

АКШ Айга кемесин 2020-жылы жөнөтөт


АКШнын Космос агенттиги (NASA) Айга жаңы миссиясын 2020-жылы жөнөтөрүн билдирди. 23-майда NASA «Артемис» деп аталган программасынын жадыбалын жарыялады. Агенттиктин жетекчиси Жим Брайденштайндын айтымында, биринчи фазада пилотсуз кеме учурулат. Андан кийин 2022-жылы Айдын орбитасына пилоттолгон капсула, дагы эки жылдан кийин астронавттар жөнөтүлөт. Экипажга аял-астронавт да кирмекчи.

«Артемис» (Артемида) деген аталыш грек мифологиясынан алынган. Аңчылыктын жана Айдын пири Артемида Аполлондун карындашы болгон. NASAнын 1960-70-жылдары Айга жөнөткөн экспедициялары «Аполлон» деп аталчу.

Мындан тышкары 2022-24-жылдар аралыгында NASA менен иштешкен жеке менчик компаниялар Айдагы чакан станцияга курулуш жабдууларын жеткирип барышмакчы.

1969-жылы америкалык астронавттар Нил Армстронг жана Базз Олдрин адамзат тарыхында биринчи болуп Айга конушкан.

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG