Ошто бүгүн, 30-майда КМШ мамлекеттеринин атайын жана күч кызматтарынын жыйыны өтүп жатат.
Кыргызстандын Улуттук коопсуздук боюнча мамлекеттик комитетинин (УКМК) маалыматына караганда, жыйынга Азербайжан, Армения, Беларус, Казакстан, Орусия, Тажикстан жана Өзбекстан өлкөлөрүнөн өкүлдөр катышууда.
Күн тартибиндеги негизги маселе – терроризмге жана экстремизмге каршы туруу, эл аралык террордук уюмдардын таасиринин алдын алуу, жашыруун топторду аныктап, алардын ишмердүүлүгүн жайылтууга жол бербөө. (RK)
