Оштун Кара-Суу районундагы Сүрөө-Таш айылынын тургуну, 13 жаштагы кыз өзүн асып алганы айтылууда. Анын сөөгү 27-май күнү үйүндөгү сарайда асынган абалда табылганын Ош облустук ички иштер башкармалыгынын басма сөз кызматкери Нурпери Абдуллаева «Азаттыкка» билдирди.
Суициддин себеби белгисиз, кыздын ата-энеси сөөктү соттук-медициналык экспертизага берүүдөн баш тарткан.
Милиция бул фактыны Кылмыштар менен жоруктардын бирдиктүү реестрине каттап, иликтеп жатат.
Расмий маалыматтар боюнча, Ош облусунда быйыл беш айда өспүрүмдөр арасында 9 суицид катталган. (MdN\ZKo)
