Ооганстан Ислам Республикасынын президенти Мохаммад Ашраф Гани Шанхай Кызматташтык Уюмундагы мамлекеттердин башчылар кеңешинин кезектеги жыйынына катышуу үчүн бүгүн, 13-июнда, Кыргызстанга келди. Бул тууралуу өкмөт кабарлады.
Ооганстандын президентин «Манас» эл аралык аэропортунан вице-премьер-министр Замирбек Аскаров тосуп алды.
Шанхай Кызматташтык Уюмунун (ШКУ) саммити Бишкекте 14-июнда өтөт. Ага Кыргызстанды кошкондо 12 өлкөнүн президенттери катышат. 12-июнда алгачкылардан болуп Кыргызстанга Монголиянын президенти Халтмаагийн Баттулга жана Кытайдын лидери Си Цзиньпиң келди. (ErN)
