Линктер

шаршемби, 26-июнь, 2019 Бишкек убактысы 09:46

Казак президенти Касым-Жомарт Токаев Кыргызстанга келди


Касым-Жомарт Токаевди Мухаммедкалый Абылгазиев тосуп алды.

Шанхай Кызматташтык Уюмундагы (ШКУ) мамлекеттердин башчыларынын кеңешинин кезектеги жыйынына катышуу үчүн Казакстандын президенти Касым-Жомарт Токаев 13-июнда Бишкекке келди.

Өкмөт аппараты кабарлагандай, Токаевди «Манас» эл аралык аэропортунан премьер-министр Мухаммедкалый Абылгазиев тосуп алды.

Мунун алдында Өзбекстандын президенти Шавкат Мирзиёев, Ооганстан Ислам Республикасынын президенти Мохаммад Ашраф Гани, Индиянын премьер-министри Нарендра Моди Кыргызстанга келген. Кечээ Монголиянын президенти Халтмаагийн Баттулга жана Кытайдын лидери Си Цзиньпиң Бишкекке келип түшкөн.

ШКУнун саммити Бишкекте 14-июнда өтөт. Ага Кыргызстанды кошкондо 12 өлкөнүн президенттери катышат.

9-июнда өткөн кезексиз шайлоодо Касым-Жомарт Токаев калктын 70 пайыздан ашык добушун алып жеңишке жеткени жарыяланган. Анын инаугурациясы 12-июнда өттү. (ErN)

Сиздин пикир

пикирлерди көрсөт

XS
SM
MD
LG