Аргентинанын, Уругвайдын, Бразилиянын, Парагвайдын жана Чилинин жашоочулары электр жарыксыз калды. Бул тууралуу жергиликтүү энергетикалык компаниялар жана журналисттер кабарлашты. Ушул тапта болжол менен 48 миллион адам жарыксыз отурат.
Аргентиналык «Edesur» энергетикалык компаниясындагы жабдуу жарактан чыкканы электр энергиясынын өчүрүлүшүнө себеп болду.
Аргентинанын борбору Буэнос-Айресте метро токтоп, жолчырактар иштебей калды. Мунун алдында шаарда нөөшөрлөгөн жамгыр жааган.
