Линктер

шейшемби, 16-июль, 2019 Бишкек убактысы 20:09

ИИМ: Атаханов суракта Батукаевди бошотууга Атамбаевдин катышы бар экенин көрсөткөн


Шамил Атаханов жана Аида Салянова. Архивдик сүрөт.

Ички иштер министрлигинин Тергөө кызматынын жетекчисинин орун басары Мырзалы Жумаевдин айтымында, «Азиз Батукаевдин бошотулушуна байланыштуу экс-президент Алмазбек Атамбаевдин тиешеси бар» деген көрсөтмө бар. Жумаев муну парламент депутаты Каныбек Иманалиевдин суроосуна жооп берип жатып айтты.

«Бул иш ИИМдин Тергөө кызматында. Тергөө учурунда мурдагы вице-премьер-министр Шамил Атаханов сурак протоколунда «Батукаевди бошотууга Атамбаевдин катышы бар» деп көрсөтүп кетип атат. «Тапшырма берилген» деп».

Экс-президент Алмазбек Атамбаевди кол тийбестиктен ажыратуу боюнча депутаттык комиссиянын алгачкы жыйыны өтүп жатат. Комиссиянын мүчөсү Талант Мамытов кол тийбестиктен ажыратуу жөнүндө демилге көтөргөн депутаттардын кайрылуусун окуду. Анда демилгечи депутаттар экс-президент Алмазбек Атамбаевди оор кылмыш иштерине байланыштуу айыптап жатышат. Парламент 13-июнда Алмазбек Атамбаевди кол тийбестиктен ажыратууга байланыштуу комиссия түзгөн. Экс-президент Алмазбек Атамбаев башында турган Кыргызстан социал-демократиялык партиясынын (КСДП) юристи Нурбек Касымбеков кол тийбестик боюнча депутаттык комиссия мыйзамсыз түзүлгөнүн билдирген. (BTo/TSh)

Сиздин пикир

пикирлерди көрсөт

XS
SM
MD
LG