Украинанын Конституциялык соту 20-июнда президент Владимир Зеленскийдин парламентти таратып, мөөнөтүнөн мурда шайлоо жарыялоо жөнүндө жарлыгын мыйзамдуу деп тапты.
Бул тууралуу «Азаттыктын» украин кызматы кабарлады.
Владимир Зеленский 20-майда ант берип президенттик кызматка киришкенден кийин Жогорку Раданы таратуу тууралуу жарлык чыгарган. Ага ылайык, мөөнөтүнөн мурда парламенттик шайлоо 21-июлда өтөрү айтылган.
Бирок парламентарийлер президенттин жарлыгына макул болбой, аны талкуулоодон баш тартып, документти жокко чыгаруу өтүнүчү менен Конституциялык сотко кайрылышкан.
