Стамбулда бүгүн, 23-июнда кайрадан мэр шайлоо өтүп жатат.
Талапкерлер 20 чакты адам, бирок негизги күрөш мурдагы өкмөт башчы, президент Режеп Тайып Эрдоган жетектеген АК партиянын өкүлү Бинали Йылдырым менен оппозициядагы Элдик-республикалык партиянын өкүлү Экрем Имамоглунун ортосунда жүрүүдө.
Соңку сурамжылоолорго караганда, оппозициянын талапкери атаандашынан 9% озуп чыгышы мүмкүн.
Эгер ошондой болсо АК партия 2002-жылдан бери алгачкы жолу Стамбулду башкаруу укугун алдырып коет. Азыркы президент Эрдоган бул шаарда 1994-1998-жылдары мэр болгон.
Быйыл 31-марттагы мэр шайлоодо Имамоглу жеңип чыккан. Ал Йылдырымдан 15 миң добуш көп алып, 18-апрелде кызматына киришкен. Бирок АК партия шайлоону кайра өткөрүүнү талап кылган. (RK)
