Линктер

ЧУКУЛ КАБАР!
20-Октябрь, 2021 шаршемби, Бишкек убактысы 05:59

Уранды иштетүүгө тыюу салуу жөнүндө мыйзам долбоору талкууланат


Уранга каршы митинг. 26-апрель, 2019-жыл.

Жогорку Кеңештин тармактык комитети Кыргызстандын аймагында уран табыш үчүн геологиялык-издөө, чалгындоо иштерине жана уран, торий чыккан жерлерди иштетүүгө тыюу салуу боюнча мыйзам долбоорун биринчи окууда талкуулайт. Бул тууралуу парламенттин басма сөз кызматы кабарлады.

Мыйзам долбоорунун авторлору - депутаттар Алтынбек Сулайманов, Алмамбет Шыкмаматов, Дастан Бекешев, Алтынбек Жунус уулу жана Канат Керезбеков.

Жогорку Кеңеш Ысык-Көлдөгү Кызыл-Омпол боюнча маселе талкуулангандан кийин, 2-майда республика аймагында уран кендерин чалгындоого жана казууга тыюу салуу жөнүндө токтом кабыл алган.

Мунун алдында жарандык активисттер, жергиликтүү тургундар Кызыл-Омпол кенинде уран чалгындоого каршы Бишкекте, Балыкчыда, Караколдо катар-катар митингдерди өткөрүшкөн.

Президент Сооронбай Жээнбеков 4-майда Конституциялык палатанын судьяларын кабыл алган учурда «Кыргызстанда уран казылбайт!» деп билдирген. (КЕ)

Пикирлерди көрүңүз (5)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG