Жогорку Кеңештин Отун-энергетикалык комплекс жана жер казынасын пайдалануу комитети Кумтөр келишими боюнча өкмөттүн маалыматын жабык угууга киришти.
Аны жабык кароону премьер-министр Мухаммедкалый Абылгазиев сунуш кылган. Комитет жыйынына премьер-министр Мухаммедкалый Абылгазиев, биринчи вице-премьер-министр Кубатбек Боронов баш болгон өкмөт мүчөлөрү келишти.
Анда негизинен 2017-жылдын 11-сентябрында өкмөт менен Кумтөр кенин иштеткен канадалык «Центерра Голд» компаниясынын ортосунда кол коюлган «Инвестицияларды өнүктүрүү жана айлана-чөйрөнү коргоо боюнча стратегиялык келишимдин» аткарылышы ортого салынмакчы. (BTo)