Жайкы туристтик сезонго карата Ош аба майданынан Ысык-Көлдүн Тамчы эл аралык аэропортуна каттамдар кайрадан жанданат. Бул тууралуу «Манас» эл аралык аэропортунун басма сөз катчысы Алия Курбанова билдирди.
Анын айтымында, Ош-Тамчы аба каттамы 28-июндан тартып ишин баштайт.
Каттамды «TezJet» авиакомпаниясы жумасына төрт жолу: дүйшөмбү, шаршемби, жума жана жекшемби күндөрү жүргүзөт. Азырынча учак билетинин баасы тууралуу так маалымат жок. Ош-Тамчы аба каттамы 2015-жылы июль айында башталган. Ошондон бери жыл сайын жайкы туристтик сезон учурунда, июнь-сентябрь айларында иштейт. (MdN)