Кыргызстандын Дин иштери боюнча мамлекеттик комиссиясы Борбор Азиядагы экстремизм, ага каршы туруу маселесин талкуулаган жыйын уюштурду. 3-4-июлдагы семинарга чөлкөмдөгү беш мамлекеттин күч органдарынан, жарандык коомунан өкүлдөр чакырылган.
Экстремизмге каршы күрөш жүргүзгөн "Борбор Азия желесинин" биринчи жыйыны 2019-жылдын январында Казакстандын Алматы шаарында өткөн.
Иш-чара БУУнун Баңгизат жана кылмыштар боюнча Бишкектеги программалык кеңсеси өнөктөштүк кылды. Долбоорду Швейия менен Германиянын өкмөттөрү колдойт.
15-февралда КМШ мамлекеттеринин антитеррордук борборунун изилдөөсү жарыяланган. Анда Борбор Азиядагы бир да мамлекет экстремисттик жана террористтик мүнөздөгү кылмыштарды азайта албай жатканы айтылган.
Изилдөөдө 2018-жылдагы маалыматка ылайык, экстремизмге байланыштуу соттолгондордун саны Кыргызстанда 256, Казакстанда 661, Тажикстанда 675 киши деп эсептелген. Өзбекстан менен Түркмөнстан боюнча так маалымат жок.
