Ош облустук ички иштер башкармалыгынын маалыматы боюнча, 6-июль күнү социалдык тармактарга тараган видеотасмада сот аткаруучуну түрткүлөп, урушуп жаткан аялдын иши Жоруктар кодексинин 119-беренеси боюнча («Майда бейбаштык») сотко чейинки өндүрүшкө алынып, бирдиктүү реестрге катталды. Учурда бул иш боюнча текшерүү иштери жүрүп жатат.
Ош ОИИБнын басма сөз кызматы маалымдагандай, видеотасмадагы аял Ош шаарынын тургуну, 52 жаштагы Э.М. Кара-Суу райондук сотунун сот аткаруучусун түрткүлөп, тилдеген.
Аз күн мурун социалдык тармактарда формачан адамды тилдеп, аны үйүнүн дарбазасынын жанынан түртүп, сотко чакыруу кагазын албай кирип кеткен аялдын тартылган видео тараган. (ZKo)
