Линктер

ЧУКУЛ КАБАР!
8-Декабрь, 2021 шаршемби, Бишкек убактысы 04:12

«Укук» жана «Соцсервис» ишканалары түзүлдү


Иллюстрациялык сүрөт.

Маалыматтык технологиялар жана байланыш комитетинин алдында «Укук» жана «Соцсервис» мамлекеттик ишканалары түзүлдү. Бул тууралуу чечимге премьер-министр Мухаммедкалый Абылгазиев кол койгонун 8-июлда өкмөттүн басма сөз кызматы кабарлады.

«Укук» ишканасы сот, прокуратура, укук коргоо органдары, Жогорку Кеңеш, жергиликтүү кеңеш, миграция, коргонуу, өзгөчө кырдаалдар, жаза аткаруу, чек ара, радиациялык жана өрт коопсуздугу тармагында иштеген мекемелер үчүн маалымат системаларын иштеп чыгып, алардын үзгүлтүксүз иштешин жана техникалык тейлөөсүн камсыз кылат.

Ал эми «Соцсервис» саламаттык сактоо, билим берүү, илим, маданият, спорт, социалдык камсыздандыруу, мамлекеттик жөлөкпул, жеңилдиктер жана пенсия тармагында иштеген мекемелер үчүн жооптуу болот.

Өкмөттүн басма сөз кызматы белгилегендей, чечим санариптик трансформация багытында коюлган тапшырмаларды аткарууга шарт түзүү максатында кабыл алынды.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG