Линктер

ЧУКУЛ КАБАР!
17-Октябрь, 2021 жекшемби, Бишкек убактысы 09:53

Кыргыз-казак өкмөт башчыларынын жолугушуусу башталды


Кыргызстанга Казакстандын премьер-министри Аскар Мамин расмий сапар менен келди. 12.07.2019

Кыргызстанга Казакстандын премьер-министри Аскар Мамин расмий сапар менен келди.

Аны “Манас” аба майданынан өкмөт башчы Мухаммедкалый Абылгазиев тосуп алды. Ушул тапта “Ала-Арча” мамлекеттик резиденциясында эки өлкө өкмөт башчыларынын чакан чөйрөдөгү жолугушуусу башталды. Өкмөттүн маалымат кызматы билдиргендей, жолугушуу кенен форматта уланып, VIII кыргыз-казак өкмөт аралык кеңештин жыйыны өтөт.

Тараптар жыйын учурунда соода-экономикалык кызматташууну өркүндөтүү, суу-энергетика, өнөр жай жана маданий-гуманитардык маселелерди талкуулашат. Күн тартибине транспорт, инвестиция, туризм, билим берүү жана башка маселелер кирген.

Казакстандын премьер-министрин президент Сооронбай Жээнбеков кабыл алат. Расмий сапардын жыйынтыгы боюнча бир катар документтерге кол коюлушу айтылды. (КЕ)

Пикирлерди көрүңүз (6)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG