Линктер

ЧУКУЛ КАБАР!
20-Октябрь, 2021 шаршемби, Бишкек убактысы 00:38

Ош: Жарым жылда жол кырсыктарынан 52 адам мерт болду


Ош-Баткен жолунда болгон автокырсык. 14-июль, 2019-жыл. Иллюстрациялык сүрөт.

Бул тууралуу Ош облустук ички иштер башкармалыгынын жол коопсуздугун камсыздоо бөлүмү маалымдады. Ага ылайык, 10-11-июль күндөрү бул боюнча атайын рейд ѳткѳрүлдү. Рейд учурунда жол эрежеси бузулган 416 учур катталды. Алардын ичинен ичимдик ичип алып машине айдаган 4, айдоочулук күбөлүгү жана документи жок 6 айдоочу кармалып, жалпысынан айып токтотмого 10 машине киргизилди. Ош ОИИБинин жол коопсуздугун камсыздоо бөлүмүнүн башчысы Айжигит Зикировдун «Азаттыкка» билдиргенине караганда, башка аймактарга караганда Кара-Суу районунда жол кырсыгы көп катталат.

- Ушундан улам бул районго өзгөчө көңүл бурулду. Кара-Суу районунда жол белгилери жана жөө жүргүнчүлөр өтө турган сызыктар бар экенине карабай, айдоочулар жол кыймыл эрежесин бузары аныкталды, - деди ал.

Расмий маалыматтар боюнча быйыл жарым жылда Ош облусунун аймагында 261 жол кырсыгы катталган. Андан 52 адам каза болуп, 434 жаран түрдүү жаракат алган.

Кара-Суу районунда 111 жол кырсыгы катталган, 17адам каза болуп, 184 жаран түрдүү жаракат алган. (MdN\ZKo)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG