Бишкектин Жумушчулар шаарчасы конушундагы үйлөрдүн биринде газ жарылып, турак жайдын бир бөлүгү кулап түштү. Үй ээси орточо жараат алып, аны «Тез жардам» алып кеткенин «Азаттыкка» милиция билдирди. Окуя Юдахин көчөсүндө 15-июлда кечки саат бешке жакын болду.
Шаардык газ кызматы мүчүлүштүктү оңдоп, абалды жайгарганы айтылууда. Интернетте кырсык болгон үйдүн бир бөлүгү кулап калган сүрөттөр жарыяланды. (SE)
