Бишкекте 17-18-июлда маалымат каражаттарындагы эркиндик жана плюрализмге арналган XXI Борбор Азия конференциясы өтөт. Ага чөлкөмдөгү беш мамлекеттен жана Монголиядан жүздөн ашуун медианын өкүлү, мамлекеттик кызматкерлер, журналисттердин уюшмаларынын мүчөлөрү, эксперттер катышат. Алар медиадагы жаңы технологиялар, шарттар, Интернеттеги тоскоолдуктар жана башка маселелерди талкуулашмакчы.
Европадагы Коопсуздук жана Кызматташтык Уюму ушундай конференцияны жыл сайын Борбор Азиянын түрдүү мамлекеттеринде уюштуруп келатат. Былтыр ал Казакстандын баш калаасында өткөн. (SE)
