«Чандраян-2» аттуу планета аралык кеме дүйшөмбү күнү жергиликтүү убакыт боюнча саат 14:43тө Индиянын Шрихарикота станциясынан ийгиликтүү учуп чыкты.
145 миллион доллар сарпталган бул миссиянын алкагында биринчи жолу космостук кеме Айдын түштүк уюлуна конгону жатат. «Чандраян-2» 23 күн Жердин орбитасында тургандан кийин Айга конууга багытталган манёврларын баштайт.
Индия Айды изилдөөнүн көздөгөн «Чандраян-1» аттуу алгачкы миссиясын 2008-жылы учурган. Анда космостук кеме Айдын бетине конгон эмес. Бирок Жердин жандоочусунда суунун белгилерин издөөгө аракет кылган.
