Линктер

ЧУКУЛ КАБАР!
13-Май, 2021 бейшемби, Бишкек убактысы 01:53

Британ өкмөтү Иран кармаган танкердин тагдырын талкуулады


Британиянын премьер-министри Тереза Мэй.

Тереза Мэй жетектеген британ өкмөтү Ирандын британиялык мунай ташуучу кемени кармаганына кандай жооп берүү маселесин талкуулоо үчүн чукул жыйын өткөрдү.

22-июлдагы бул жыйынында Батыш менен Ирандын мамилеси чыңалып турган учурда дүйнөлүк мунай маршруттарынын коопсуздугун камсыздоо маселесине да көңүл бурулду.

Британ тышкы иштер министри Жереми Хант "Stena Impero" кемесинин жана экипаждын 23 мүчөсүнүн кармалышына байланыштуу 26-июлда парламентке маалымат берери белгилүү болду.

Бир күн мурда Иран мунай ташуучу кеменин экипажынын бардык мүчөсүнүн саламаттыгы жайында экенин маалымдаган.

Тегеран 19-июлда Британиянын желеги менен жүргөн бул кеме ирандык балыкчылардын кайыгы менен чатакка аралашканы үчүн кармалганын билдирген. Лондон Ирандын мындай түшүндүрмөсүн четке кагып, Перс булуңунда жүргөн танкеринин кармалышын "кастык аракет" деп мүнөздөгөн.

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG