Линктер

ЧУКУЛ КАБАР!
29-Ноябрь, 2021 дүйшөмбү, Бишкек убактысы 12:06

Өкмөт күзүндө пенсия жана мугалимдердин айлыгы көтөрүлөрүн маалымдады


Өкмөт башчы Мухаммедкалый Абылгазиев 1-сентябрдан тартып мугалимдердин айлыгы, ал эми 1-октябрдан тартып пенсия көтөрүлө турганын билдирди. Абылгазиев өкмөттүн кезектеги жыйынында сүйлөп жатып, мамлекеттик кызматкерлердин айлыгын көтөрүү өкмөттүн жоопкерчилиги экенин белгиледи.

Премьер-министрдин маалыматында, 2008-жылдан бери көтөрүлбөй келе жаткан Улуттук илимдер академиясынын кызматкерлеринин айлыгы 30% жогорулады. Мамлекеттик кадр кызматынын жана спорт машыктыруучуларынын эмгек акысы 50% жогорулаган.

Жыл башында Финансы министрлиги 2018-жылдын жыйынтыгы менен Кыргызстанда орточо айлыктын өсүшү 3,8 пайызды түзүп, 16 миң 218 сом деп эсептелгенин билдирген.

2018-жылы ноябрь айында Улуттук статистика комитети Кыргызстандагы бир айдагы орточо эмгек акынын өлчөмү 15 миң 752 сом (226 доллар) сомду түзгөнүн кабарлаган. 2017-жылы бул көрсөткүч 14 миң 800 сом болчу. (TSh)

Пикирлерди көрүңүз (24)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG