Бириккен Улуттар Уюмунун Атомдук энергетика боюнча эл аралык агенттиги (МАГАТЭ) эки жума мурда көз жумган Юкия Аманонун ордуна жаңы адамды октябрда дайындайт. Венада жайгашкан уюмдун башкаруучулар кеңешинин 1-августтагы жыйынында айтылгандай, бул кызматка уюмга мүчө мамлекеттер 5-сентябрга чейин өз талапкерлерин сунуштай алат.
Уюмду 2009-жылдан бери жетектеп келген жапониялык Юкия Амано 18-июлда 72 жашында көз жумган. Учурда анын башчысынын милдетин румын Корнел Феруцэ аткарып жатат.
