Линктер

ЧУКУЛ КАБАР!
14-Май, 2021 жума, Бишкек убактысы 19:52

Кыргызстан Ирактагы жарандарынын балдарын сентябрда алып келет


Сирия. Иллюстрациялык сүрөт.

Кыргызстан Ирактын лагерлеринде кармалып жаткан жарандарынын балдарын быйыл сентябрь айынын башында алып келгени жатат. Ал эми Сириядагы кыргызстандык балдарды кайтаруу боюнча сүйлөшүүлөр дагы эле уланууда. Бул тууралуу бүгүн 5-августта өкмөт башчынын басма сөз катчысы Адилет Султаналиев билдирди:

- Ирактын Багдад шаарына чартердик каттам менен барчу жумуш тобунун мүчөлөрүнүн ар бирине виза ачылды, бул өлкөнүн виза тартибин бузду деген балдар үчүн төлөнө турган айыппул үчүн каражат табылды.

Ал эми Сириядагы качкындар лагеринде кармалып жаткан кыргыз жарандары менен жолугуп, дайынын билиш үчүн эл аралык уюмдар менен сүйлөшүүлөр Кыргызстандын Түркиядагы дипломатиялык корпусу аркылуу жүрүп жатат.

Сирия менен Ирактагы кыргызстандыктарды кайтарып келиш үчүн өкмөттө вице-премьер-министр Жеңиш Разаков баштаган жумуш тобу түзүлгөн.

Улуттук коопсуздук боюнча мамлекеттик комитеттин (УКМК) маалыматына караганда, Сирияга кеткен кыргызстандыктардын саны 850дөй киши, ал эми Ирак боюнча расмий маалымат жок. (RK)

Пикирлерди көрүңүз (9)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG