«Азаттык» радиосунун azattyk.org сайты айрым аймактарда таптакыр ачылбай, жай иштеп жатат. Бул тууралуу сайттын окурмандары, байкоочулар билдирип жатышат. Алар телефондон ачылбай жатканын айтып, сүрөтүн жиберишүүдө.
«Азаттык» радиосунун azattyk.org сайты учурда мурдагы Алмазбек Атамбаевди кармоо операциясын чагылдырып жатат. Буга чейин мурдагы президент Алмазбек Атамбаевди кармоо операциясынын артынан Бишкекте «Акнет» пакетинен бир канча телеканал көрсөтпөй калган. Алгач Атамбаевге таандык «Апрель» каналы, артынан «7-канал», «ОшТВ» өчтү.
Алмазбек Атамбаевдин үйү жайгашкан Чүйдөгү Кой-Таш айылында уюктук байланыш жана Интернет да өчтү.