Линктер

ЧУКУЛ КАБАР!
27-Октябрь, 2021 шаршемби, Бишкек убактысы 12:44

Трамп Иран маселеси боюнча Макронду сындады


АКШнын президенти Дональд Трамп.

АКШнын президенти Дональд Трамп француз президенти Эммануэл Макронду Иранга Вашингтон менен болжолдуу сүйлөшүүлөр тууралуу «ар түрдүү сигнал» берип жатат деп айыптады.

«Иран олуттуу финансылык кыйынчылыкты баштан кечирүүдө. Алар болушунча АКШ менен сүйлөшкүсү келишет. Бирок аларга биздин өкүлүбүз сыяктуу көрүнгөн бардык тараптар, анын ичинде француз президенти Макрон түрдүү сигнал берип жатышат», деп жазды Трамп 8-августта «Твиттердеги» барагына.

Француз тарап мындай билдирүүгө азырынча жооп бере элек. Буга чейин «Аль-Монитор» сыяктуу эл аралык басылмалар француз лидери Макрон Трамп менен жолуктуруу үчүн Ирандын президенти Хасан Роуханини «Чоң жетинин» бул айда Францияда өтүүчү саммитине чакырганын жазып чыгышкан. Бирок бул маалыматты француз дипломаттары четке кагышкан.

АКШ 2018-жылдын май айында Ирандын өзөктүк программасы боюнча эл аралык келишимден чыгып кеткенден бери Тегеран менен Вашингтондун алакасы чыңалып турат. Кошмо Штаттар Иран менен дүйнөлүк алты державанын ортосунда кол коюлган бул келишимдин алкагында токтотулган Тегеранга каршы санкцияларды кайра калыбына келтирген.

Трамп Ирандын лидерлери менен сүйлөшүү ниети бар экенин ишарат кылганы менен Тегеран ал үчүн санкциялар алынышы керек экенин билдирип келет.

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG