Линктер

ЧУКУЛ КАБАР!
5-Декабрь, 2021 жекшемби, Бишкек убактысы 17:21

Бишкек-Ош жолундагы автокырсыктан төрт киши мүрт кетти


Иллюстрациялык сүрөт.

Бүгүн, 18-августта Бишкек-Ош автожолунун 73-чакырымында (Суусамыр) үч автоунаа катышкан жол кырсыгынан төрт киши мүрт кетип, бирөө Жайыл райондук аймактык ооруканасына жаткырылды. Бул тууралуу Жол коопсуздугун камсыздоо башкармалыгынын басма сөз кызматынын жетекчиси Тилек Исаев билдирди.

- МАН үлгүсүндөгү май ташуучу автоунаа Ош шаарына кетип бараткан экен. Ага карама-каршы тилкеде «Мазда» жана «Хонда Торнео» үлгүсүндөгү машине келаткан. «Мазданын» артында келаткан «Хонда Торнеонун» айдоочусу аны ашып өтөм деп жетишпей калган. Ал кайра өз тилкесине кирип баратып «Мазданы» сүзгөн. Ал айланып барып май ташуучу унаанын алдына кирип кеткен. МАН менен «Мазда» жолдон чыгып кетип, май ташыган автоунаа оодарылып калган, - деди Исаев.

Анын маалыматына караганда, каза болгон адамдардын баары «Мазда» автоунаасында болушкан. Кырсыкка «Хонда Торнеонун» айдоочусу себепкер болгон. Бул факт Кылмыштар менен жоруктардын бирдиктүү реестрине катталып, тиешелүү экспертизалар дайындалды. (BTo)

Пикирлерди көрүңүз (18)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG