Линктер

шейшемби, 17-сентябрь, 2019 Бишкек убактысы 06:32

Өзбекстанда саякатчыларды тейлөө арзандатылды


Бухара шаарындагы тарыхый жай.

Өзбекстандын Туризмди өнүктүрүү департаменти өлкө эгемендигинин 28 жылдыгына карата саякатчыларды тейлөө кызматтары арзандатылганын маалымдады. Мейманканалар, ресторандар жана автоунаа кызматын сунуш кылгандар туристтерди 5-сентябрга чейин арзан баада тейлейт.

«Өзбекстан бойлой саякатта» долбоорунун алкагында 200гө жакын мейманкана 5 пайыздан 50 пайызга чейин, 80ден ашуун автоунаа 20 пайызга чейин, 110дон ашуун кафе-ресторан 25 пайызга арзандатылган бааларды сунуш кылышат.

Долбоорго кошулган мейманканалардын, ресторандардын жана автоунаа кызматтарынын тизмеси Туризмди өнүктүрүү комитетинин сайтына жарыяланды.

Андан тышкары, 31-августтан 3-сентябрга чейин «Өзбекстан темир жолдору» ички каттамдарга бааларды 10 пайыздан 50 пайызга чейин, «Өзбекстан аба жолдору» 30 пайыздан 50 пайызга чейин арзандатты.

Өзбекстанда эгемендик майрамы 1-сентябрда белгиленет.

Пикирлерди көрүңүз

XS
SM
MD
LG