Линктер

дүйшөмбү, 23-сентябрь, 2019 Бишкек убактысы 13:11

ЖЭБ иши: сотко кошумча күбөлөр чакырылат


ЖЭБ ишине байланыштуу сот отурумдарынын бири.

Бишкек Жылуулук электр борборуна (ЖЭБ) байланыштуу сотко кошумча күбөлөр чакырылат. 29-августта Свердлов райондук сотундагы отурумда айыпталуучулар Сапар Исаковдун, Жантөрө Сатыбалдиевдин жана Айбек Калиевдин жактоочулары ушундай өтүнүч келтиришти.

Алар күбө катары мурдагы президент Алмазбек Атамбаев, мурдагы вице-премьер-министрлер Токон Мамытов, Жоомарт Оторбаев жана Олег Панкратов чакырылышын сурап жатышат.

Жогорку соттун басма сөз кызматы билдиргендей, өтүнүч жарым-жартылай канааттандырылып, кийинки отурум 2-сентябрга белгиленди. Соттук териштирүүдө 90 күбөнүн 50дөн ашыгы суралып бүткөнү буга чейин айтылган.

2018-жылы кыш чилдеде ЖЭБдеги авариядан соң Бишкек бир жума бою жылуулуксуз калган. Териштирүүлөрдөн кийин оңдоп-түзөөдө коррупция аныкталып, мамлекет 5 млрд. 439 млн. сом көлөмүндөгү зыян тартканы айтылган. Иш Бишкектин Свердлов райондук сотунда каралып жатат. Кийинки отурум 2-сентябрда болот.

Кармалгандардын арасында мурдагы өкмөт башчылар Жантөрө Сатыбалдиев, Сапар Исаков баштаган жоон топ аткаминерлер бар. Айыпталуучу тараптар муну саясий куугунтук катары сыпаттап келатат. (SE)

Пикирлерди көрүңүз (16)

XS
SM
MD
LG