Линктер

ЧУКУЛ КАБАР!
17-Январь, 2021 жекшемби, Бишкек убактысы 03:11

Манасбек Арабаевдин үй камагынын мөөнөтү узартылды


Манасбек Арабаев.

Президенттик аппараттын соттук реформа жана мыйзамдуулук бөлүмүнүн мурдагы башчысы Манасбек Арабаевдин үй камагындагы мөөнөтү 2-ноябрга чейин узартылды. Мындай чечимди Бишкектин Биринчи май райондук соту 29-августта чыгарганын аталган мекеменин басма сөз кызматы билдирди.

Ал 2-июнда кармалып, бөгөт чарасы эки айлык үй камагына өзгөртүлгөн болчу.

Мурдагы президент Алмазбек Атамбаевдин тушунда аны «сот системасынын куратору» деп атап келишкен. Улуттук коопсуздук боюнча мамлекеттик комитет (УКМК) Арабаевди коррупцияга айыптаган. Мекеме тараткан маалыматта, ал кызмат абалынан кыянаттык менен пайдаланып, чет өлкөлүк инвесторлордун объектилерин рейдерлик жол менен тартып алган топтордун кызыкчылыгына иштегени айтылган.

Арабаев тергөөгө кытай инвесторлору Бишкекте курган «Даймонд сити» турак жай комплексин рейдерлик жол менен тартып алууга байланыштуу иш боюнча мурдагы биринчи айым Раиса Атамбаевага каршы көрсөтмө берген. (SE)

Пикирлерди көрүңүз (5)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG