Линктер

ЧУКУЛ КАБАР!
16-Май, 2021 жекшемби, Бишкек убактысы 20:52

Өкмөт «Центерра Голд» менен сүйлөшүүнү улантат


«Кумтөр» ишканасынын өндүрүш бөлүмү.

Кыргыз өкмөтү Кумтөр кенин иштеткен «Центерра Голд» компаниясы менен кендеги дивиденддерди төлөө жана башка маселелер боюнча сүйлөшүүнү улантат. Бул тууралуу өкмөттө өткөн басма сөз жыйынында «Кыргызалтын» ишканасынын жетекчиси Алмаз Алимбеков билдирди. Анын айтымында, өкмөт менен «Центерра Голд» жакында мунаса тапкан стратегиялык келишим экологиялык маселелерди жөнгө салат. Ишкананын жетекчиси эми канадалык компания менен мурдагы жылдарга дивиденддерди төлөө жана рекультивация боюнча сүйлөшүүлөрдү өткөрөрүн айтты:

- Мисалы, трасттык фонд боюнча, рекультивация боюнча сүйлөшүүлөр улантылат. Биз дагы кошумча келишимдерди түзүшүбүз мүмкүн. Азыркы учурда биз экологиялык маселелерге чекит койдук.

«Центерра Голд» эки жыл мурда Кумтөрдүн айланасында талашка түшкөн дивиденддерди төлөөнү токтоткон.

Кыргыз өкмөтү менен Кумтөр алтын кенин иштеткен "Центерра Голд" компаниясынын ортосундагы эки жыл мурда макулдашылган стратегиялык келишим өткөн аптада күчүнө кирди. Анын шартына ылайык, канадалык компания Кыргызстанга төлөп бере турган сумманын көлөмүн мурдагы келишимде көрсөтүлгөндөн 150 миллион долларга көбөйткөнүн өкмөт маалымдады. Ал эми өз кезегинде кыргыз тарап «Центерра Голдго» карата соттук доосун токтотту. (BkA)

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG